Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Përballja mes Atalantës dhe Lacios në Kupën e Italisë regjistroi paraqitje pozitive për dy futbollistë shqiptarë, Berat Gjimshitin e vendasve dhe Vedad Muriqin e skuadrës vizitore.
Të dy ata arritën të lënë shenjë përmes golave por në fërshëllimën e trefishtë në stadiumin e Bergamos, arritën të triumfonin vendasit 3-2.
Ekuilibrat u prishën që në minutën e 7 nga Berat Gjimshiti, kur mbrojtësi i kombëtares shqiptare u gjend gati në një rebound në zonë, për të shënuar nga një distancë e afërt me portën e mbrojtur nga Reina. Por aksionet u intensifikuan dhe Vedad Muriqi arriti të barazonte rezultain. Bomberi i përfaqësueses së Kosovës u shkëput bukur me kokë duke shënuar në kuadratin e Golinit, e duke çuar sfidën në 1-1.
Më pas shifrat ndryshuan disa herë, deri në rrjetën finale të Atalantës me Mirancuk, ndërsa për tu shënuar ishte dhe një penallti e humbur nga Zapata.
Top Channel
