Momentet e pabesueshme kur burri ‘rikthehet nga vdekja’ pak para se të futej në krematorium në Indi (foto-video)
25/11 15:22
Me ritmin aktual të ngrohjes globale, temperaturat globale mund të rriten ndjeshëm deri në fund të shekullit, deklaroi një shkencëtar turk.
Sipas Anadolu Agency, gjatë një fjalimi të organizuar nga Fondacioni i Energjisë së Pastër (TEMEV), Doğanay Tolunay, inxhinier i pyjeve në Universitetin e Stambollit, paralajmëroi se temperaturat mund të rriten deri në mbi 6 gradë Celsius deri në vitin 2100 për shkak të ngrohjes globale.
Duke theksuar se bota gradualisht ka filluar të ngrohet që nga viti 1850, Tolunay nënvizoi se rritja e temperaturave mesatare mori vrull nga vitet 1980 e tutje duke shkaktuar temperatura ekstreme në vitin 2016, 2019 dhe 2020.
“Në të kaluarën, rritja e temperaturave mesatare ishte mjaft e ngadaltë. Ndryshimi i temperaturës për një gradë zgjaste qindra vite. Megjithatë, rritje të tilla filluan të ndodhnin në një periudhë shumë më të shkurtër”, tha ai.
“Kështu, bota ka gjasa të jetë deri në 2 gradë Celsius më e ngrohtë deri në vitin 2050 dhe 6 gradë Celsius më e ngrohtë deri në fund të shekullit”, shpjegoi Tolunay.
Ai theksoi se zvogëlimi i zonave bujqësore dhe pyjore për shkak të urbanizimit të shpejtë dhe konsumit gjithnjë në rritje të lëndëve djegëse fosile pas Revolucionit Industrial janë faktorët kryesorë që përshpejtuan ngrohjen globale.
Top Channel
