Teatri edukativ i kukullave sjell buzëqeshje te fëmijët e kampit në veri të Sirisë (fotot)
23/11 19:25
Ministri i Shëndetësisë i Turqisë, Fahrettin Koca, njoftoi se prej ditës së djeshme filloi vaksinimi i qytetarëve të moshës mbi 80-vjeçare kundër koronavirusit të ri COVID-19.
Koca nëpërmjet llogarisë së tij në Twitter, informoi rreth procesit të vaksinimit kundër COVID-19 në vend. Sipas tij qytetarët e moshës mbi 80-vjeçare do të vaksinohen në institucionet shëndetësore.
Sot, në aeroportin e Stambollit me avionin e Turkish Airlines (THY) të linjës Pekin-Stamboll ka mbërritur pjesa e dytë e vaksinave të porositura nga Kina kundër COVID-19.
Me avionin kanë ardhur 6,5 milionë doza të vaksinës që përbën pjesën e parë të dërgesës të 2-të prej 10 milionë dozave joaktive.
Sipas të dhënave, numri i përgjithshëm i rasteve të konfirmuara me COVID-19 në vend ka tejkaluar shifrën 2,42 milionë, prej të cilëve 25.073 kanë vdekur. Ndërkohë, numri përgjithshëm i të shëruarve ka tejkaluar shifrën 2,3 milionë./AA
Top Channel
