SHBA: Rusia po përshkallëzon konfliktin me praninë e trupave koreano-veriore 18/11 22:44
Presidenti Joe Biden do të nënshkruajë një urdhër ekzekutiv të hënën që synon promovimin e agjendës “Blini produkte amerikane”, një ide të cilën e hodhi që gjatë fushatës së vitit të kaluar e që synon forcimin e prodhimit vendas përmes procesit federal të prokurimit.
Urdhri ekzekutiv i drejton agjencitë të forcojnë kërkesën lidhur me blerjen e produkteve dhe shërbimeve nga punëtorë e biznese amerikane. Ai po kështu shkurton disa burokraci dhe krijon një pozicion në Zyrën e Menaxhimit dhe Buxhetit përgjegjës për zbatimin e direktivës.
Urdhri do të përsërisë gjithashtu mbështetjen e administratës Biden për Aktin Jones, i cili e kufizon transportin e huaj detar mes porteve të SHBA-së dhe anijeve amerikane. Gjatë fushatës, Biden propozoi një plan “Buy American” i cili bën thirrje për një rritje katër vjecare prej 400 miliardë dollarësh në blerjet qeveritare të produkteve dhe shërbimeve amerikane. Tingëllon diçka mjaft e njohur në fakt, sepse një të politikë e ngjashme ndoqi ish presidenti Donald Trump, i cili e ktheu fuqizimin e produkteve dhe biznesit të brendshme në njërën prej shtyllave të qeverisjes së tij. Zyrtarë të administratës Biden sakaq pretendojnë se përpjekja e re është një direktivë e qartë më një drejtim të qartë, e mbështetur në pikëpamjen se Amerika është thelbësore në strategjinë tonë ekonomike.
Top Channel
