Dasma e Skënderbeut! Festa e përvitshme me vënien në skenë të martesës në Ardenicë
26/04 15:33
Një libër kushtuar miqve të tij. Shumë nga ata do të gjejmë në librin “Mur” të artistit Vladimir Myrtezai. Shpesh artistët pamorë e kanë të vështirë të adaptohen me fjalën.
Por duket se kjo e fundit shkrihet shumë mirë tek ky artist, sepse shkrimi është pjesë organike e tij, sidomos në këtë kohë vetmitare.
Vladimir Myrtezai: Është një kohë që të përqendron, që të le brenda, që të ngre shumë pikëpyetje dhe për këtë arsye këtë lloj energjie e kam kaluar tek shkrimësia, ose tek forma e të dëshmuarit me fjalë.
Imagjinata e tij si artist dhe si shkrimtar e dallojnë Vladimir Myrtezain si një nga penat më me stilistikë. Ai ju përvihet personazheve duke i portretizuar, tipizuar apo edhe përshkruar thellësisht të gjallë.
Kështu të mbledhur javë pas jave ata zënë vend në “Mur”. Një pengesë kjo që autori e ka të përhershme në jetën e tij.
Vladimir Myrtezai: Mur, sepse gjërat që unë shkruaj, gjërat që më rrethojnë, fenomenet që unë reagoj ndaj tyre janë limitet që unë provoj të arrij, qoftë nga pikëpamja filozofike, mënyra e të shkruarit, dashuria për gjuhën. Është një fjalë e shkurtër që nuk shpjegon shumë, por që e fton lexuesin të futet dhe të kontrollojnë brenda.
Ladi mbetet i njëjti me atë artist avandgardist, apo pedagog të ri që ka qenë dikur. Ai në vetvete është personazhi i qëndrueshëm, që zgjedh të komunikojë gjithmonë me mënyrat e tij ndryshe.
Vladimir Myrtezai: Do gjejë shumë shkrime të atyre që unë i quaj limitet e mia, por që në fakt janë miqtë e mi. Nuk është një libër që bëhet për miqtë, por është një libër që zbërthen fenomene mes miqsh.
Top Channel
