Mes shtrëngimit ekonomik, grekët mbledhin ullinjtë e pemëve të rrugës për t’i kthyer në vaj për të varfrit (fotot)
29/11 18:40
Kina ka prezantuar sot prototipin e një treni super-të-shpejtë pasagjerësh që udhëton me shpejtësi 600 km/orë.
I njohur ndryshe si “treni super-i-shpejtë maglev’, model i ri doli sot nga linja e prodhimit në ceremoninë e organizuar në qytetin jugperëndimor të Chengdu.
Mjeti mburret me një shpejtësi prej të paktën dy herë më e madhe se ajo e flotës së trenave ‘Eurostar’ dhe sipas llogarive do të përshkonte distancën mes Londrës e Parisit në vetëm 45 minuta.
Dizenjuesit e tij nga Universiteti Jiaotong tha se treni është i pari i llojit të tij në botë. Studentët bashkëpunuan me Kompaninë Hekurudhore të Kinës dhe korporatën CRRC për krijimin e trenit ne nje projekt prej 60 milionë huan ($8milionë).
Prototipi është 21-metër i gjatë i tërhequr nga një lokomotivë që mund të arrijë shpëjtësinë prej 620 kilometra në orë.
Mjeti përdor teknologjinë ‘maglev’ të super-përçimit (HTS) në temperatura të larta, e përdorur dhe në trenat maglev në Gjermani dhe Japoni.
Por grupi prodhues thotë se versioni kinez është më i lehtë me strukturë më të thjeshtë, prandaj më i lirë për t’u prodhuar dhe vënë në funksion.
Inxhinierët e konsiderojnë teknologjinë HTS më të përshtatshme për teknikën futuristike të transportit me vakuum, sipas të cilës trenat maglev ultra-të-shpejtë udhëtojnë mbi vakumin e ajrit pa forcë fërkimi, duke arritur shpejtësi prej 1,000 kilometra në orë.
“Teknologjia HTS e bën trenin të qëndrojë në ajër pa rrymë elektrike, dhe të mund të lëvizet vetem me një dorë”, tha Deng Zigang, profesor i universitetit.
Universiteti nisi sot hekurudhën eksperimentale për testimin e teknologjisë. Kina ka rrjetin hekurudhor më të gjatë në botë prej rreth 35 000 km.
Aktualisht trenat e shpejtë të vendit arrijnë shpejtësinë 350 kilometra në orë dhe rezidentët mund të udhëtojnë mes dy qendrave politike e financiare të vendit Pekin e Shangai për 4.5 orë.
Kina ka gjithashtu trenin e parë komercial maglev në botë.
Linja prej kilometrash u hap në 2002 në Shanghai dhe lidh aeroportin Shanghai Pudong me qendrën e qytetit. Ndërtimi kushtoi 1.3 miliardë dollarë.
Japonia ka ndërtuar deri tani trenin më të shpejtë në botë, por nuk e ka në përdorim komercial. Hekurudhat japoneze kishin vendosur rekordin e shpejtësisë me trenin maglev në 2016 kur arriti shpejtësinë 603 kilometra në orë.
Top Channel
