Burimet greke për TCH: Cavusoglu e Dendias miq prej vitesh/ S’ka takim të afërt të tyre

Natyrisht mbetet i hapur në mundësinë e një takimi me të kur të krijohen kushtet.

Kujtojmë se ditën e djeshme, burime të ekskluzive të Top Channel pranë kryeministrisë greke bënë me dije se Turqia dhe Greqia do të kenë një takim me shuma gjasa në Kretë ose në Rodi, ndërsa takimi i parë diskutohet që mund të jetë edhe në Tiranë.

Diskutohet  se është një marrëveshje kuadër, ku së pari do t’i jepet zgjidhje çështjes së Qipros në dy komunitetet, një federatë, së dyti një traktat miqësisë strategjike , i cili do ta kthejë detin Egje në një oaz bashkëpunimi dhe zgjidhje përfundimtare të shfrytëzimit të përbashkët të resurseve në Egje.

Marrëveshja kulmon me demilitarizimin e ishujve të Egjeut dhe palët mbyllin çështjen e demilitimit, në një formulë të ndërmjetme që përmban vijë mesi dhe 12 milje ku lejohet, por edhe marrëveshja greko-italiane që do të lejojë peshkimin në afërsi me ujërat greke, për Turqinë.

Palët kanë marrë autorizimet dhe do të nisin direkt negociatat. Ideja është që të avancohet  atje ku mundet dhe temat që mbeten hapur, të rinegociohen. Është një proces që do dojë të paktën 2 vite, duke pasur parasysh dyshimet se me gjasa Greqia do të ketë zgjedhje të parakohshme brenda pranverës së këtij viti.

Kujtojmë se së fundmi ka qenë Kryeministri Edi Rama i cili i ka bërë ftesë palës greke e turke dhe ndërmjetësoi për këtë takim. Ministri turk Cavusoglu tha se do shkonte në Tiranë dhe shpresonte që ftesën ta pranojë edhe ministri grek Dendias.

Ka qenë vetë ministri i jashtëm turk, Mevlut Cavusoglu, i bëri Greqisë një ofertë zyrtare për të rifilluar bisedimet mbi pretendimet e tyre në Mesdhe. Ndërkohë për sa u përket negociatave teknike mes dy vendeve është rënë dakord që palët të takohen më 25 janar në Stamboll.

Top Channel