Gjirokastër/ U kapën duke transportuar emigrantë të paligjshëm, dy të rinj në pranga
08/01/2021 08:34
Morën ryshfet për të favorizuar një ndërtim pa leje, shpallen në kërkim kryeinspektori i IMT në Elbasan dhe vartësi i tij 23/04 20:22
Ilustrim
Goditet një tjetër rast i tentativës për dhënie ndihmë për kalim të paligjshëm të kufirit, shtetasve që vijnë nga vendet e treta.
Sekuestrohet një automjet dhe tre aparate celularë.
Specialistët e Seksionit për Hetimin e Trafiqeve në DVP Gjirokastër, në bashkëpunim me Policinë Kufitare dhe shërbimet e FRONTEX-it, në bazë të informacioneve të siguruara në rrugë operative, arrestuan në flagrancë shtetasit M. Xh., 25 vjeç dhe I. B., 30 vjeç, banues në Tiranë.
Arrestimi i këtyre shtetasve u bë pasi, në fshatin Vanistër, u kapën duke transportuar me automjetin tip “Mercedez Benz”, 2 emigrantë të paligjshëm, në drejtim të Tiranës, kundrejt fitimit.
Në cilësinë e provës materiale u sekuestrua një automjet dhe tre aparate celularë.
Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
Top Channel
