Organizata kriminale e Suel Çelës! SPAK tregon për trafiqet e drogës, vrasjet dhe rolin e 21 anëtarëve të grupit
26/11 15:26
Kompania e sistemeve elektronike të votimit e numërimit elektronik Smartmatic e akuzuar nga avokatet e Presidentit Trump për manipulim në zgjedhjet presidenciale, aplikon në prokurimin e hapur nga KQZ-z për zgjedhjet e 25 Prillit.
KQZ thotë se nga gjashtë kompani që treguan interes, vetëm ajo angleze Smartmatic aplikoi në prokurimin e shpallur për identifikimin, votimin dhe numërim elektronik në disa zona pilot të zgjedhjeve të 25 Prillit.
Në zgjedhjet presidenciale të nëntorit në SHBA Sideny Poëell avokat i Donald Tramp lëshoi akuza për manipulim ku përfshihej kompania Smartmatic.
Shefi ekzekutiv i Smartmatic menjëherë i dërgoi një njoftim ligjor mediave si “Fox News” apo të tjerave pro Trump se po përhapnin lajme të rreme e shpifëse në një fushatë dezinformimi ndaj kompanisë së tij.
“Ata nuk kanë asnjë provë të mbështesin sulmin e tyre ndaj Smartmatic sepse nuk ekziston asnjë provë. Kjo fushatë është modeluar për të shpifur për Smartmatic dhe nënvleftësuar legjitimitetin e mbajtjes të zgjedhjeve” do të deklaronte Antonio Mugica.
Pajisjet e kësaj kompanie u përdorën në Venezuelë gjatë periudhës 2004-2017.
Smartmatic u vu nën akuzë për mashtrime elektorale në zgjedhjet parlamentare të Venezuelës të vitit 2017 e si pasojë mori vendimin të ndërpresë aktivitetin në këtë vend.
Dy ditë pas këtyre zgjedhjeve Shefi ekzekutiv Smartmatic, Antonio Mugica deklaroi se regjimi Venezuelës kontrollonte trupën elektorale duke manipuluar të paktën 1 milion vota.
Smartmatic është themeluar nga venezueliani Antonio Mugica me profesion inxhinier elektrik.
Në vitin 2014 bashkë me britanikun Lord Mark Malloch-Broën ata ngritën kompaninë SGO me qendër në Londër me objekt kryesor të punës teknologjinë në zgjedhje përmes votimit elektronik me pajisjet e Smartmatic.
Lord Mark Malloch-Broëën është president i bordit të drejtorëve të kësaj kompanie ndërsa Antonio Mugica shef ekzekutiv i përgjithshëm.
Smartmatic thotë se ka ndihmuar qindra milion votues në të gjithë botën duke numëruar elektronikisht 4 miliard vota me efikasitet dhe transparencë.
Teknologjia e kësaj kompanie është përdorur në zgjedhjet për parlamentin europian në Estoni, Belgjikë dhe Bullgari përfshi zgjedhjet në Filipine në 2018 e ato të vitit 2017 në Itali dhe Argjentinë.
Muhamed Veliu
Top Channel
