Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Marrëdhëniet diplomatike midis Katarit dhe katër shteteve arabe, të cilat i kanë vënë embargo për tre vjet, janë rikthyer.
Ministri i Jashtëm saudit, princi Faisal bin Farhad, u tha gazetarëve se vendet janë pajtuar “për t’i lënë mënjanë mosmarrëveshjet” në një samit të Këshillit të Bashkëpunimit të Gjirit, të mbajtur të martën.
Arabia Saudite, Emiratet e Bashkuara Arabe, Bahrejni dhe Egjipti i kanë ndërprerë lidhjet me Katarin në vitin 2017, duke e akuzuar atë për mbështetje të terrorizmit.
Katari i ka mohuar akuzat dhe i ka hedhur poshtë kushtet për t’i dhënë fund bllokadës së pjesshme, duke përfshirë mbylljen e rrjetit të transmetimit Al Jazeera.
Në muajt e fundit, Kuvajti dhe ndërmjetësuesit amerikanë i kanë rritur përpjekjet për t’i dhënë fund bllokadës.
Në samitin e së martës në qytetin saudit al-Ula, udhëheqësit e vendeve të Këshillit të Bashkëpunimit të Gjirit nënshkruan një marrëveshje që, sipas princit saudit të kurorës, Mohammed bin Salman, konfirmon “stabilitetin dhe solidaritetin tonë”.
“Sot ekziston një nevojë e dëshpëruar për t’i bashkuar përpjekjet tona, për të promovuar rajonin tonë dhe për t’u përballur me sfidat që na rrethojnë, veçanërisht me kërcënimet që paraqet programi i raketave bërthamore dhe balistike të regjimit iranian dhe planet e tij për sabotim dhe shkatërrim”, tha bin Salman.
Këshilli për Bashkëpunim i Gjirit përbëhet nga Arabia Saudite, Emiratet e Bashkuara Arabe, Bahrejni, Omani, Kuvajti dhe Katari.
Top Channel
