Një shpërthim me tritol ka ndodhur në lagjen Rus, të Shkodrës.
Lënda plasëse i ishte vendosur një automjeti, i cili ishte i parkuar në oborrin e një shtëpie.
Mësohet se automjeti i përket shtetasit me inicialet N.B. Fatmirësisht nuk ka të lënduar por vetëm dëme materiale.
Forca të shumta policie kanë shkuar në vendin e ngjarjes dhe kanë rrethuar zonën.
Shkodër/Informacion Paraprak
Më datë 26.12.2020, rreth orës 20:25, në lagjen “Partizani”, Shkodër, mjeti i cili ishte i parkuar në oborrin e shtëpisë së shtetasit N. B, ne rrethana të paqarta dyshohet se ka shpërthyer si pasojë e lëndës eksplozive, duke shkaktuar vetëm dëme materiale.
Në vendin e ngjarjes ndodhet grupi hetimor dhe në drejtimin e Prokurorisë së Rrethit Gjyqësor Shkodër po punohet për sqarimin e rrethanave të kësaj ngjarje.
Top Channel
