Bislimi: Serbia kërkon që strukturat ilegale të financohen deri në krijimin e Asociacionit 25/04 18:48
Presidentja në detyrë pasi takimit që pati me kreun e Lëvizjes Vetëvendosje (LVV), Albin Kurti, tani ka nisur takimin edhe me Arban Abrashin i cili po përfaqëson Lidhjen Demokratike të Kosovë (LDK).
Takim që po mbahet për t’u konsultuar rreth mbajtës së zgjedhjeve të jashtëzakonshme, pasi që Gjykata Kushtetuese mbrëmjen e së hënës ka vendosur pro kërkesës së Lëvizjes Vetëvendosje rreth vlefshmërisë së votës së deputetit Ehtem Arifi për zgjedhjen e Qeverisë Hoti, me çka edhe zyrtarisht vendi do të shkojë drejt zgjedhjeve të reja të parakohshme.
Vota e deputetit Etem Arifi që ishte vendimtare për zgjedhjen e Qeverisë Hoti më 3 qershor.
Kushtetuesja ka konstatuar se, në bazë të nenit 71.1 të Kushtetutës të Republikës së Kosovës, në ndërlidhje me nenin 29.1 (q) të Ligjit për Zgjedhjet e Përgjithshme, personi i dënuar për vepër penale me një vendim gjyqësor të formës së prerë në tri (3) vitet e fundit, nuk mund të jetë kandidat për deputet e as të fitoj mandat të vlefshëm në Kuvendin e Republikës së Kosovës.
Top Channel
