“Adriatik Kalemi si ‘John Wick’”, Artan Hoxha për vrasjen e trefishtë në Memaliaj: Sa më shumë atentate i bëjnë për ta vrarë, aq më shumë mbijeton
22/07 18:35
Ndërsa më 25 prill pritet të mbahen zgjedhjet e përgjithshme, analisti Baton Haxhiu, tha në Top Talk se shumica e shqiptarëve ndihen të papërfaqësuar dhe janë të pakënaqur me partitë në vend.
Ai u shpreh 28% e elektoratit janë të pavendosur dhe se gjykimi i njerëzve po anon nga qendra.
“Shumica e shqiptarëve janë të pakënaqur me partinë. Ndihen të papërfaqësuar dhe kanë ndërtuar në qëndrimin e tyre si të papërcaktuar. Nuk dihet si do të jetë qëndrimi i tyre, por përvoja tregon se ata realisht, 50% e tyre nuk dalin në zgjedhje fare. Nuk besoj që ka kohë për t’i kapur ata sepse ky votues gjykon me dy mënyra, të kthehet aty ku ka qenë dhe një pjesë e tyre refuzojnë fare të votojnë. 34% e të anketuarve kërkojnë një qeverisje ndryshe. Nëse një lider i mirë del, shihet që mund ta kapë këtë elektoral. Gjykimi i njerëzve po anon nga qendra”, tha Baton Haxhiu në Top Talk.
Por sa shans ka që ky grup i pavendosur, që ndihet i papërfaqësuar të sjell një parti surprizë në skenë me karakter fetar.
Baton Haxhiu thotë se kjo nuk është e mundur , dhe shprehet se është i bindur që shqiptarët nuk do të votonin kurrë për një parti politike ideologjikisht fetare.
Denis Dyrnjaja: Po parti me karakter fetar që mund të interferojnë në një moment dhe të rrëmbejnë këtë vakum të njerëzve të pabindur?
Baton Haxhiu: Unë e di dhe jam i sigurt, se Shqipëria ka një ritual të besimit fetar, por e kanë më shumë si kulturë se sa bindje dhe shqiptarët nuk do të votonin kurrë për një parti politike ideologjikisht fetare.
Denis Dyrnjaja: Po në Shqipëri, dhe në Kosovë po ashtu, ka shumë njerëz të varfër ose njerëz në prag të varfërisë, ose njerë që mund të manipulohen me pak gjëra materiale.A mund ta çonte kjo në votë, për ideologji fetare, dhe mund të kishim një surprizë?
Baton Haxhiu Jo, nuk besoj, se i kanë provuar 4 parti me prapavijë fetare edhe puro fetare dhe nuk kane kaluar asnjëherë 2 përqind. Sepse kontigjenti i votuesve me prapavijë fetare nuk kalon asnjëherë mbi 3 përqind.
Top Channel
