Sulmet e Izraelit, ministri i Jashtëm Iranian: Një dështim i plotë, nuk shkaktuan asnjë dëm për ne 19/04 22:55
Roja bregdetare turke ka shpëtuar të paktën 23 azilkërkues në një gomone me motor të prishur.
Sipas medias turke, gomonia shkoi larg brigjeve të Ayvacık në provincën veriperëndimore të Çanakkalasë.
Duke vepruar mbi një informacion, një ekip i rojës bregdetare nxitoi në zonë dhe shpëtoi azilkërkuesit që donin të arrinin në Evropë përmes Greqisë. Ata u transferuan në zyrën provinciale të migracionit.
Turqia ka qenë një pikë kryesore tranziti për migrantët e parregullt që dëshirojnë të arrijnë në Evropë për të filluar jetë të re, veçanërisht ata që ikin nga lufta dhe persekutimi.
Në fillim të këtij viti, Turqia hapi portat e saj për migrantët e parregullt për të kaluar në Evropë, duke akuzuar BE-në për dështimin për të mbajtur premtimet e saj sipas marrëveshjes për migrantët të vitit 2016.
Turqia pret gati 4 milionë sirianë, më shumë se çdo vend tjetër në botë.
Top Channel
