Pezullohet projekti i turbinave të erës në ujërat e New York pas fitores së Trump në zgjedhje (fotot)
27/11 21:47
Laureatja e Çmimit Nobel për Paqe, Tawakkol Karman
Laureatja e Çmimit Nobel për Paqe, Tawakkol Karman, njofti se shtëpia dhe zyra e saj në kryeqytetin e Jemenit, Sana është konfiskuar nga ana e Huthive.
Karman në deklaratën e bërë nga Facebook, tha se shtëpia dhe zyra e saj në lagjen Ez-Ziraa në Sana është konfiskuar nga Huthitë para disa ditësh dhe se sendet e saj ishin plaçkitur. Ajo i cilësoi si “hajdutë dhe banditë” Huthitë.
Sipas Anadolu Agency, Karman tha se lufta e popullit jemenas kundër Huthive dhe koalicionit “Arabia Saudite-Emiratet e Bashkuara Arabe (EBA)” nuk është një luftë personale, por një luftë atdheu për liri.
Ndërkohë, nga ana e Huthive nuk është dhënë ndonjë deklaratë në lidhje me pretendimet e Karman.
Jemeni është përfshirë nga dhuna dhe kaosi që nga viti 2014, kur rebelët Huthi pushtuan pjesën më të madhe të vendit, përfshirë kryeqytetin Sana.
Kriza u përshkallëzua në vitin 2015 kur një koalicion ushtarak i udhëhequr nga sauditët nisi një fushatë shkatërruese ajrore që synonte të rikthente territoret e pushtuara nga Huthit.
Dhjetëra mijëra jemenas, përfshirë civilë, besohet se janë vrarë në konflikt, i cili ka çuar në krizën më të keqe humanitare në botë, pasi miliona njerëz përballen me rrezikun e urisë.
Top Channel
