Broja, Europiani shansi i jetës për sulmuesin kuqezi 03/05 14:09
Ekzaminimet mjekësore të Neymarit mbi dëmtimin e kyçit të këmbës që ai pësoi në humbjen ndaj Lyonit janë “qetësuese” por sulmuesi i Paris Saint-Germain do t’i nënshtrohet kontrolleve të mëtejshme.
Superylli i Brazilit u largua nga fusha në një barelë në humbjen e befasishme të së Dielës 1-0 në Ligue 1 në “Parc des Princes” dhe ishte në siklet të dukshëm pas një sfide me Thiago Mendes.
Fillimisht u raportua se Neymar, i cili ishte në lot ndërsa po largohej nga fusha, kishte pësuar një thyerje në kavilje si rezultat i një ndërhyrjeje nga Mendes.
Trajneri kryesor Thomas Tuchel tha për “Telefoot” pas ndeshjes: “Nuk ka ndonjë lajm, ai është me mjekët dhe duhet të presim rezultatet nesër”.
PSG tani ka ofruar një azhurnim pas skanimeve fillestare, me një deklaratë të klubit e cila thotë
“Ekzaminimet mjekësore të kryera në Neymar Jr janë qetësuese pas kyçit të këmbës së tij të shtrembëruar në ndeshjen e së Dielës kundër Lyonit. Ekzaminimet e mëtejshme do të kryhen brenda 48 orëve të ardhshme”.
Top Channel
