“Nëse kërcënimi hibrid intensifikohet…”/ Inteligjenca gjermane “sheh” një sulm të mundshëm rus ndaj NATO-s 28/11 17:47
Presidenti i Turqisë Recep Tayyip Erdogan përsëriti sot një thirrje për një ndryshim të qeverisë në Armeni, ndërsa i ofroi vendit mundësinë për t’u bashkuar me një organizatë bashkëpunimi rajonal së bashku me Azerbajxhanin.
Erdogan tha se në Baku, ku ndoqi një paradë ushtarake duke festuar humbjen armene në luftën kundër Azerbajxhanit mbi enklavën e diskutueshme të Nagorno-Karabak.
Turqia ndihmoi Azerbajxhanin ushtarakisht dhe diplomatikisht gjatë luftimeve dhe përkrahu drejtpërdrejt kundërshtarët e kryeministrit armen Nikola Pashinyan, i cili tani është nën presion për të hequr dorë nga administrimi i tij i konfliktit që përfundoi muajin e kaluar.
“Ne duam që armenët të heqin qafe barrën e udhëheqësve të tyre që i ngushëllojnë me gënjeshtrat e së kaluarës dhe i mbajnë të bllokuar në varfëri,” tha Erdogan.
Udhëheqësi turk bisedoi me presidentin e Azerbajxhanit Ilham Aliyev rreth nisjes së një iniciative për bashkëpunim me Rusinë, Iranin dhe Gjeorgjinë.
“Armenia gjithashtu mund të marrë pjesë në të dhe nëse ndërmerr hapa pozitivë, kufiri i saj me Turqinë do të hapet”, tha Erdogan.
Armenia dhe Turqia nënshkruan një marrëveshje paqeje në vitin 2009 për të normalizuar marrëdhëniet pas një shekulli armiqësie që buronte nga vrasjet masive të armenëve në Luftën e Parë Botërore, raporton Reuters.
Kjo marrëveshje nuk është ratifikuar kurrë, dhe marrëdhëniet mbeten të tensionuara.
Luftimet në Nagorno-Karabak morën fund pasi u arrit një marrëveshje përmes Rusisë, e cila dërgoi forcat e saj paqeruajtëse në territor.
Karabak është një pjesë e njohur ndërkombëtarisht e Azerbajxhanit, por kryesisht e banuar nga armenë, të cilët deri vonë e kontrollonin pas luftës së përgjakshme të viteve 1990.
Top Channel
