Marshimi në Elbasan/ Vrasja e Martin Canit, qytetarët bëjnë apel për sensibilizim
27/11 19:57
Futbollisti Baris Telli
Baris Telli është futbollisti turk me një këmbë, i cili tha se ndonëse përballet me shumë vështirësi, ai kurrë nuk hoqi dorë nga ëndrrat e tij.
“Fitoj jetesën time përmes sportit në vend që të ofendohem nga jeta dhe të qëndroj në shtëpi, dikush mund të vazhdojë profesionalisht”, tha për Anadolu Agency, Baris Telli, i cili humbi këmbën e djathtë në një aksident në moshën katër-vjeçare.
31-vjeçari është pjesë e ekipit kombëtar të futbollit të Turqisë për personat me aftësi të kufizuara dhe po ashtu punon si instruktor palestre.
Telli tha se ka realizuar pjesën më të madhe të ëndrrave të tij por dëshiron të fitojë trofeun e Kupës së Botës 2022 për Turqinë. “Kurrë mos hiqni dorë nga ëndrrat tuaja”, theksoi ai.
Ai e ndihmoi shtetin e tij të fitonte Kampionatin Evropian të Federatës së Futbollit të Personave të Gjymtuar 2017 kundër Anglisë.
Çdo vit shënohet 3 dhjetori për të promovuar pjesëmarrjen e plotë dhe të barabartë të personave me aftësi të kufizuara në të gjitha aspektet e shoqërisë dhe zhvillimit. Tema e këtij viti është “Ndërtimi prapa më mirë: drejt një bote post-COVID-19 gjithëpërfshirëse, e arritshme dhe e qëndrueshme.
Top Channel
