Kryeministri gjeorgjian pezullon bisedimet e anëtarësimit në BE deri në fund të vitit 2028 28/11 22:56
Një grua 32-vjeçare ftoi në shtëpinë e saj dy djem adoleshentë dhe bëri seks me një prej tyre, megjithse ai i tha se ishte ende në shkollë fillore, u tha sot në gjyqin e Teah Vincent.
Nëna e tre fëmijëve i kishte ftuar djemtë në shtëpi për t’u dhënë “një gotë ujë” pasi kishin qenë duke luajtur futboll, por më pas mori një 14-vjeçar në dhomën e gjumit dhe kreu marrëdhënie intime me të, u dëgjua të thuhej në gjykatën e Gloucester në Britani.
Prokurori Christopher Smyth tha për jurinë se një nga adoleshentët e njihte Vincent kurse viktima e abuzimit seksual nuk e njihte.
Vincent tha për ngjarjen e 21 tetorit 2018, se besonte se djali ishte 16, e jo 14 vjeç.
Gjatë gjyqit u tha se ata kishin biseduar fillimisht për shkollën, por më pas e akuzuara kishte kaluar bisedën te trupi i saj, dhe te seksi.
Prokurori Christopher Smyth tha: “Një nga djemtë që ishte pak më i madh, besonte se zonja po avanconte në mënyrë të papërshtatshme ndaj më të riut, por ai nuk mund të ndërhynte. Ajo më pas e ftoi më të riun në dhomën e sipërme dhe ai e ndoqi duke besuar se do të kishte ndonjë televizor apo lojë që mund të kryenin. Djali më i madh qëndroi poshtë në kuzhinë.”
Në gjykatë u tha më tej se zonja Vincent e kishte ulur djalin në krevat, kishte dalë nga dhoma dhe më pas ishte kthyer pa rroba.
Vincent, e cila ka tre fëmijë me moshë shkolle fillore, akuzohet se ka bërë seks me adoleshentin pa folur paraprakisht me të për çështjen. Djali e dinte se ishte nën moshën e lejuar për marrëdhenie të tilla, dhe më në fund ai e kishte larguar nga vetja dhe zbriti poshtë te shoku i tij.
Prokuri Smyth shtoi: “Djali kishte një ndjesi të fortë se situata ishte e gabuar. Shoku i tij në kuzhinë kishte dëgjuar zhurmat e seksit nga lart dhe ishte ndjerë në siklet, sa që kishte dalë nga shtëpia, por ishte kthyer më vonë.”
Pas ngjarjes dikush i kishte këshilluar djemve se duhet të flisnin me prindërit e tyre për çështjen dhe në fakt nëna e djalit të abuzuar kishte shkuar të kërkonte llogari ndaj Vincent në shtëpinë e saj, ku ajo ishte përgjigjur: “Jo tani, kam vajzën time këtu”. Më pas ajo i kishte mbyllur derën.
Prokurorët thanë se një ditë më vonë, një burrë i quajtur Richard Remnant erdhi në shtëpinë e viktimës dhe i tha se ai ose familjarët e tij vinin përsëri në shtëpinë e zonjës Vincent “do t’i ngulte thikën në nofull”.
Vincent u arrestua më 26 tetor. Ajo deklaroi se besonte se djemtë ishin më të rritur, dhe se adoleshentët i kishin thënë se ishin 16 vjeç.
Gjyqi vazhdon.
Top Channel
