Guardiola: Fëmija i tretë ndoshta e bën Foden të kuptojë, nuk luhet gjithmonë me “marshin e gjashtë” 26/04 23:29
Lazio merr një tjetër lajm të mirë.
Pas rikuperimit të Ciro Immobiles, tani vjen edhe ai i Thomas Strakoshës. Portieri i përfaqësueses shqiptare rezultoi negativ në testin me tampon për Covid-19 duke iu hapur drita jeshile për kryerjen e vizitave rutinë mjekësore në klinikën Paidea të Romës. Është ky një rikuperim i rëndësishëm për trajnerin Simone Inzaghi që do të ketë sërish në dispozicion Strakoshën edhe pse Reina e zëvendësoi mjaft mirë shqiptarin gjatë mungesës së tij.
Mungesa e Strakoshës te Lazio, falë edhe paraqitjeve të mira të Reinës, bëri më pak zhurmë se ajo e Immobiles në çështjen e tamponëve për Covid te skuadra romane. Por fakti është se Strakosha nuk luan prej 1 muaji, sfida e fundit e tij ishte ajo ndaj Borussia Dortmund e zhvilluar në 20 tetor.
Lazio do të luajë të shtunën në kampionat ndaj Crotones, por Strakosha për këtë përballje me shumë gjasa do të jetë në stol dhe aktivizimi i tij pritet të jetë gradual dhe jo i menjëhershëm.
Top Channel
