Ish-presidenti rus: Udhëheqësi konservator gjerman po synon ta përshkallëzojë luftën 12/11 20:03
Kina ka prezantuar një armë të re kundër radarëve armikë, në atë që ekspertët quajnë një “armë e panjohur që me shumë gjasa është një raketë anti-radiacion”.
Eksperti i aviacionit dhe studiues i Kinës, Andreas Rupprecht, tha për mediat britanike se armët kundër sistemeve mbrojtëse përdoren për t’i hapur rrugë mjeteve të tjera ajrore si avionët bombardues, për të hyrë në territorin armik.
Prezantimi u bë në një video të shpërndarë së fundmi nga forcat ajrore të Kinës.
Rupprecht tha: “Nëse kjo është e vërtetë, është lajm madhor. Kjo tregon se raketa PLAAF J-11BS ka shenjë të vogël dallimi, dhe duket si një raketë e panjohur që gjuajtësi kinez J-11BS mban nën krahun e tij.”
Ai shton: “Imazhet nga stërvitjet e fundit të pilotëve në 2020 tregonin gjuajtësin J-11BS që ngrihet i armatosur, por ai mund të mos jetë modeli i vetëm që e mban atë raketë”.
Një raketë e re anti-radiacion do të sugjeronte se prodhuesit kinezë të armëve kanë avancuar në teknologji dhe nuk mbështeten më në raketat ruse apo ish-sovjetike. Raporte të fundit sugjerojnë se Kina po kalon edhe Rusinë në teknologjinë e forcave ajrore.
Analistët britanikë të ‘Royal United Services Institute’ (RUSI), thonë se Kina po lë prapa Rusinë në fushën e avionëve gjuajtës.
Kjo sipas tyre vjen prej teknologjisë së lartë elektronike të sensorëve, armatimeve e procesimit të të dhënave. Ata shtojnë se Rusia ruan avantazhin ndaj Kinës vetëm në motorët e avionëve.
“Industria ruse nuk pritet të rekuperojë diferencën e humbur me Kinën dhe ndoshta në dhjetë vjet do të jetë duke importuar prej saj teknologjinë e sensorëve dhe të raketave”, shtojnë ata.
Top Channel
