Zbuloni ushqimet që ndihmojnë në humbjen e peshës dhe përmirësojnë metabolizmin 16/11 19:10
Stresi ndikon në cilësinë e gjumit, tretje, si dhe mund të prishë ciklin menstrual.
Për shkak të efekteve të rëndësishme në mirëqenie është e kuptueshme të vihet në dyshim nëse stresi mund të shkaktojë fizikisht një gjendje kaq të pakëndshme, saqë imiton simptomat e një sëmundjeje apo shqetësimi të vërtetë, si ethet.
Temperatura normale e trupit ndryshon në njerëz të ndryshëm dhe në të njëjtin person gjatë ditës. Është më e ulët në mëngjes dhe më e lartë në mbrëmje. Supozohet se kufiri i sipërm i temperaturës normale të trupit i matur nën sqetull është 37.2°C, nën gjuhë 37.5°C dhe në zorrë 37.8 gradë Celsius.
Ethet tregojnë një gjendje në të cilën temperatura e trupit është rritur mbi nivelin normal prej rreth 37°C. Ethet janë një shenjë se trupi po lufton një sëmundje dhe shpesh është një shenjë e një infeksioni bakterial ose viral. Edhe pse ethet shkaktojnë ndjenjën e dobësisë, nuk ka pse detyrimisht të nënkuptojë diçka serioze, përkundrazi mund të jetë e dobishme në luftimin e infeksionit.
Nëse temperatura tejkalon 38.5°C, duhet të ulet me ilaçe dhe kompresa të temperaturës së dhomës. Kur temperatura tejkalon 40°C është një gjendje e rrezikshme dhe kërkon kujdes mjekësor. Edhe temperaturat më të larta mund të jenë të rrezikshme për jetën dhe kërkojnë kujdes urgjent mjekësor.
“Megjithëse ethet janë një shenjë e infeksionit ose sëmundjeve të tjera, nuk ka shumë kërkime për të provuar ndonjë lidhje midis stresit dhe një rritje të temperaturës së trupit”, tha Donald Ford, një mjek i familjes në Klinikën Cleveland.
“Stresi mund të shkaktojë ndryshime fiziologjike si skuqja”, shpjegon Ford, duke shtuar se ai megjithatë nuk e ndryshon temperaturën e trupit.
Top Channel
