Kosova mund të mbyllet në fundjavë për mbrojtje nga pandemia
06/11/2020 14:49
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Ministria e Shëndetësisë e Kosovës mori vendim që nga ora 20:00 e ditës së sotme deri të hënën, në orën 05:00, t’iu ndalohet veprimtaria të gjitha subjekteve afariste dhe bizneseve, me qëllim frenimin e përhapjes së koronavirusit.
Në këtë periudhë do të mbylleshin edhe qendrat tregtare dhe rekreative dhe subjektet që ofrojnë shërbime të gastronomisë në të gjithë territorin e Kosovës.
Megjithatë, vendimi hyn në fuqi vetëm pasi të nënshkruhet nga kryeministri i Kosovës, Avdullah Hoti.
Vendimi i Ministrisë së Shëndetsisë po ashtu parasheh që furrat e bukës, barnatoret, dyqanet e vogla dhe pompat e derivateve të mbeten të hapura.
Vendimi e detyron edhe Policinë e Kosovës që të bëjë “kontroll rigoroz” të zbatimit të masave.
Ai vjen pasi, ditëve të fundit, në Kosovë është shënuar rritje e numrit të rasteve me koronavirus.
Të enjten, nga testimi i 1,617 mostrave, pozitive kanë dalë 661 .
Top Channel
