“Hashim Thaçi i njohur ndryshe si gjarpri”/ Si prezantohen në aktakuzën që i çoi në Hagë zyrtarët e Kosovës

Në dojen e bërë publike me aktakuzat ndaj tyre në mënyrë të detajuar renditen informacione të detajuara për secilin prej tyre.

Kështu dosja nis me pseudonimet për secilin prej tyre, i pari Hashim Thaçi apo i njohur ndryshe si “gjarpri”.

Hashim THAÇI

1. Hashim THAÇI, gjithashtu i njohur si Gjarpri, u lind më 24 prill 1968 në Burojë, komuna e Skënderajt, Kosovë. Ai ka shtetësi kosovare.

2. Hashim THAÇI ishte anëtar themelues i Ushtrisë Çlirimtare të Kosovës (‘UÇK’), e njohur në anglishte si Kosovo Liberation Army (‘KLA’) dhe i Shtabit Qendror ose Shtabit të Përgjithshëm të UÇK-së (‘Shtabi iPërgjithshëm’). Ai ishte anëtar i Shtabit të Përgjithshëm gjatë gjithë vitit 1998 dhe në 1999.

Qershori i vitit 1998 e gjeti Hashim THAÇIN shef të Drejtorisë Politike dhe asaj të Informimit. Në fund të marsit 1999, Hashim THAÇI ishte Kryeministër i Qeverisë së Përkohshme të Kosovës (‘QPK’) dhe Kryekomandant i UÇK-së.

3. Në nëntor 1999, Hashim THAÇI ishte anëtar themelues dhe udhëheqësi i Partisë për Progres Demokratik të Kosovës (‘PPDK’) e cila në vitin 2000 mori emrin Partia Demokratike e Kosovës (‘PDK’). Në vitin 2008, ai u zgjodh Kryeministër i Kosovës. Në 2014, Hashim THAÇI u bë zëvendëskryeministër i parë dhe ministër i Punëve të Jashtme. Në 2016, ai u zgjodh President i Kosovës.

Kadri VESELI

4. Kadri VESELI, gjithashtu i njohur si Luli, u lind më 31 maj 1967 në Mitrovicë, komuna e Mitrovicës, Kosovë. Ai ka shtetësi kosovare

5. Kadri VESELI ishte anëtar themelues i UÇK-së dhe i Shtabit të Përgjithshëm. Ai ishte anëtar i Shtabit të Përgjithshëm gjatë gjithë vitit 1998 dhe në 1999. Në qershor 1998, Kadri VESELI ishte anëtar i Drejtorisë Politike dhe shef i shërbimit të zbulimit të UÇK-së. Në fund të marsit 1999, pas krijimit të QPK-së, Kadri VESELI ishte shef i
ShërbimitInformativ të Kosovës (‘SHIK’) dhe ministër i ShërbimitInformativ në QPK.

6. Viti 2013 e gjeti Kadri VESELIN në postin e zëvendëskryetarit të PDK-së. Në vitin 2014, ai u bë Kryetar i Kuvendit të Kosovës. Në vitin 2016, me zgjedhjen e Hashim THAÇIT si President i Kosovës, Kadri VESELI u bë udhëheqësi i PDK-së. Rexhep SELIMI

7. Rexhep SELIMI, gjithashtu i njohur si Dhjetëshi ose Agroni ose Tafili ose Lulzimi, u lind më 15 mars 1971 në Aqarevë, komuna e Skënderajt, Kosovë. Ai ka shtetësi kosovare

8. Rexhep SELIMI ishte anëtar themelues i UÇK-së dhe i Shtabit të Përgjithshëm. Ai ishte anëtar i Shtabit të Përgjithshëm gjatë gjithë vitit 1998 dhe në 1999. Në qershor 1998, Rexhep SELIMI ishte tashmë shefi Drejtorisë Operative të UÇK-së. Më së paku në gusht 1998, ai ishte Inspektor i Përgjithshëm i UÇK-së. Nga fundi i marsit 1999, me krijimin e QPK-së, ai u bë ministër i Rendit Publik /ministër i Punëve të Brendshme.

9. Në nëntor 1999, Rexhep SELIMI ishte anëtar themelues i PPDK-së së Hashim THAÇIT, e cila në vitin 2000 mori emrin PDK. Në vitin 2000, Rexhep SELIMI ishte oficer i lartë në Trupat e Mbrojtjes së Kosovës. Në vitin 2010, Rexhep SELIMI u zgjodh në Kuvendin e Kosovës.

Jakup KRASNIQI

10. Jakup KRASNIQI, emri i babait u lind më 1 janar 1951 in Fatos (Negroc), komuna e Drenasit(Gllogocit), Kosovë. Ai ka shtetësi kosovare.

11. Nga fillimi i vitit 1997, Jakup KRASNIQI ishte anëtar i Shtabittë Përgjithshëm. Ai ishte anëtar i Shtabit të Përgjithshëm gjatë gjithë vitit 1998 dhe në 1999. Qershori i vitit 1998 e gjeti Jakup KRASNIQIN anëtar të Drejtorisë Politike të UÇK-së dhe zëdhënës zyrtar të UÇK-së. Më vonë në 1998, Jakup KRASNIQI u emërua zyrtarisht
zëvendëskomandant i UÇK-së. Me krijimin e QPK-së, Jakup KRASNIQI u bë zëdhënës i QPK-së.

12. Jakup KRASNIQI ishte anëtar themelues i PPDK-së së Hashim THAÇIT, e cila në vitin 2000 mori emrin PDK. Jakup KRASNIQI u bë Kryetar i Kuvendit të Kosovës në dhjetor 2007. Në periudhën prej shtatorit 2010 deri në prill 2011, Jakup KRASNIQI ishte ushtrues i detyrës së Presidentit të Kosovës.

Top Channel