Video/ “Me ke thënë do të të bëj masazh”, momenti kur studentja në lot i drejtohet profesorit të Universitetit të Prishtinës: Na ke shkaktuar trauma 23/04 10:44
Një 19-vjeçar u sulmua brutalisht në Gjilan dhe humbi jetën në spital.
Ai u sulmua me thikë e për pasojë nuk mundi t’i mbijetojë plagëve të marra. Prokuroria Themelore në Gjilan nëpërmjet një komunikate për media kanë treguar për rastin i cili po cilësohet “vrasje e rëndë”.
“Prokuroria Themelore në Gjilan, Departamenti për Krime të Rënda, ju njofton se më 23 Tetor 2020, pas mesnatës, në rrugën ‘’Gjon Sereqi’’ në Gjilan, dyshohet se një person i moshës 19 vjeçare është sulmuar me thikë, i cili për shkak të plagëve të marra ka ndërruar jetë”, thuhet në komunikatën e prokurorisë.
Ndërkohë që tregojnë se E.S i cili u vra të enjten pas mesnatës u dërguar për ndihmë mjekësore në Emergjencën e Spitalit Regjional të Gjilanit por që pastaj u transferua në QKUK në Prishtinës, ku edhe ndërroi jetë.
“I ndjeri E.S., fillimisht është dërguar për ndihmë mjekësore, në Emergjencën e Spitalit Regjional, në Gjilan, pastaj është transferuar në QKUK, në Prishtinë, ku edhe ka ndërruar jetë. Me urdhër të prokurorit trupi i pa jetë i të ndjerit është dërguar për obduksion në Institutin e Mjekësisë Ligjore në Prishtinë dhe rasti është cilësuar si ‘Vrasje e rëndë’”, thuhet tutje në komunikatën për medie. Lidhur me këtë çështje prokuroria në bashkëpunim me policinë janë duke ndërmarrë veprime hetimore, të cilat përfshijnë edhe intervistimin e familjarëve të të ndjerit dhe dëshmitarëve tjerë, me qëllim të ndriçimit të kësaj çështje penale.
Top Channel
