Konflikti i armatosur në Lindjen e Mesme, analiza: Uashingtoni i pakënaqur me qëndrimin e Turqisë ndaj Hamasit 26/11 16:16
Konflikti i armatosur mes Azerbajxhanit dhe Armenisë për të vënë nën kontroll Nagorno-Karabakh është përshkallëzuar duke i ka marrë jetën 500 personave.
Farid Shafiyev, kreu i qendrës për analiza dhe marrëdhënie ndërkombëtare në Baku, në një intervistë për Top Channel tregon shkaqet e prishjes të armëpushimit arritur të shtunën me ndërmjetësimin e Moskës.
Farid Shafiyev: Azerbajxhani është duke iu përgjigjur një operacioni ushtarak të Armenisë. Reagimi Azerbajxhanit është për një territor të njohur nga komuniteti ndërkombëtar. Që në fillim të 1990-tës, Armenia pushtoi 20% të territorit të Azerbajxhanit dhe i mban këto territore nën kontroll. Tani që flasim Azerbajxhani vendosi ti çlirojë këto territore. Armenia vijon të bombardojë infrastrukturën civile përfshi edhe shtëpi përtej frontit të luftës. Dy ditë më parë ne pamë se si pala armene lëshoi raketa në drejtim të qytetit të dytë më të madh Ganxha ku janë vrarë 10 persona. Forcat ushtarake të Azerbajxhanit kanë mundur të avancojnë dhe të çlirojnë disa territore në Nagorno-Karabakh. Të shtunën u arrit një armëpushim që ne po mundohemi ta respektojmë por fatkeqësisht Armenia e shkeli.
Farid Shafiyev flet edhe për pasojat dhe atë çfarë ka prodhuar ky konflikt.
Farid Shafiyev: Kjo luftë ka nisur gati 24 vite më parë, dhe ka prodhuar gati 1 milion refugjatë të cilët duhet të kthehen në shtëpitë e tyre. E gjitha kjo është mizore dhe duhet të ndalojë. Është një tragjedi. Fatkeqësisht komuniteti ndërkombëtar nuk ndërhyri për këtë veprim të Armenisë duke mbyllur gojën. Kemi gati 30 vite që po mundohemi ta zgjidhim këtë problem paqësisht, por fatkeqësisht Armenia u largua nga procesi gjetjes së paqes.
Farid Shafiyev tregon se në këtë luftë po përdoren edhe armë me origjinë nga Ballkani.
Farid Shafiyev: Në Armeni ndodhet një bazë e ushtrisë ruse dhe është pjesë e një unioni ushtarak me Rusinë. Furnizuesi kryesor me armatime është Rusia. Përtej Rusisë, në përplasjet ushtarake të Korrikut 2020 mundëm të marrim, informacione edhe për një furnizim me armë të ardhur në Armeni nga Serbia. Bëhet fjalë për raketa hedhës. Presidenti Serbisë i telefonoi presidentit të Azerbajxhanit duke i kërkuar ndjesë pasi kjo dërgesë me armatime ishte realizuar nga një kompani private.
Muhamed Veliu
Top Channel
