Gjatë 24 orëve të fundit në vend janë shënuar edhe 98 raste të reja me COVID-19. Derisa që nga 13 marsi e deri më tani numri i rasteve pozitive me COVID-19 ka shkuar në 16 mijë e 345.
Të dhënat e Institutit Kombëtar të Shëndetësisë Publike të Kosovës (IKSHPK) bëjnë të ditur se nga virusi korona kanë arritur që të shërohen 14 mijë e 405 persona. Por që krahas kësaj janë 649 të cilët kanë humbur jetën shkak i infektimit me COVID-19.
Ndërsa, 1 mijë e 291 raste janë aktive.
“Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 685 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 98 raste pozitive. Brenda 24 orëve është raportuar një rast i vdekjes me SARS CoV-2 pozitiv (1 rast Spitali Gjakovë). Numri total i rasteve pozitive është 16.345 raste nga 75.973 persona të dyshimtë në virusin SARS-CoV-2 dhe 649 raste të vdekjes. Gjatë 24 orëve të fundit, janë shëruar 37 pacientë derisa numri i përgjithshëm i të shëruarve deri më sot është gjithsej 14.405 raste, kurse numri i rasteve aktive është 1.291”, thuhet në të dhënat e IKSHPK-së.
Më së shumti raste pozitive për 24 orë janë paraqitur në komunën e Prishtinës. Janë 37 raste vetëm në komunën e Prishtinës, ndërsa 10 raste janë në komunën e Vushtrrisë, 9 në Drenas, 6 në Deçan. Po ashtu 6 raste janë shënuar edhe Mitrovicë, derisa 4 raste janë në Fushë Kosovë, 4 në Gjilan, 2 në Podujevë dhe nga një rast janë komuna e Elezit, Istogut, Kamenicës, Klinës, Pejës, Shtimes, Skenderajt dhe Suharekës.
Top Channel
