‘Nuk do të humbasë kohë me Putinin’, Trump: Takim i ri vetëm nëse ka një marrëveshje për Ukrainën 25/10 22:17
Rusia do të dëbojë dy diplomatë bullgarë gati tre javë, pasi dy pjesëtarëve të stafit të ambasadës ruse në Sofje, të akuzuar për spiunazh iu kërkua të largohen.
Duke e përshkruar veprimin e Bullgarisë si të pabazë, Ministria e Jashtme e Rusisë tha se e ka thirrur ambasadorin bullgar në Moskë, Atanas Krystin, për ta informuar se dy diplomatë, me seli në Moskë, janë shpallur “persona non grata”.
Të padëshirueshëm ndërkohë i kishin shpallur autoritetet bullgare dy diplomatët rusë në 23 shtator. Akuzat ndaj tyre ishin se kanë mbledhur informacione sekrete shtetërore mbi planet e Bullgarisë për të modernizuar ushtrinë. Por për shkak të imunitetit diplomatik, ndaj tyre nuk ka mundur të vazhdojë procedimi penal.
Bullgaria është anëtare e NATO-s dhe e Bashkimit Evropian, me lidhje përgjithësisht të mira me Rusinë, e cila e furnizon atë me energji. Sofja, edhe në janar, deboi dy diplomatë rusë, nën dyshimet se kishin kërkuar informacione të klasifikuara.
Top Channel
