Emigrantët e “Gjadrit”, Meloni takim me ministrat: Kasacioni na dha neve të drejtë!
23/12 14:22
Mijëra studentë dhe punonjës organizuan sot tubime në mbarë Indonezinë në shenjë proteste kundër ligjit të ri për punësim, që u miratua më parë këtë javë, transmeton Anadolu Agency (AA).
Punonjësit dhe studentët u tubuan në qytete të ndryshme në vend kundër ligjit për punësim i cili, siç theksojnë, anashkalon të drejtat e punëtorëve ndërsa mbron punëdhënësit.
Në disa qytete forcat e sigurisë intervenuan me gaz lotsjellës dhe topa uji, meqë demonstrantët bllokuan rrugët.
Në vende të ndryshme të Xhakartës ndodhën trazira të ndryshme ndërsa forcat e sigurisë parandaluan tubime masive të qytetarëve në një vend.
Zëdhënësi i policisë së Xhakartës, Yusri Yunus deklaroi se prej dje në kryeqytet u arrestuan rreth 400 demonstrantë.
Duke theksuar se me ndryshimet e ligjit kufizohen të drejtat e ndryshme të punëtorëve të tilla si orari i punës, pagesa dhe sigurimet sociale, sindikatat po i kërkojnë qeverisë dhe parlamentit të bëjnë ndryshime në ligjin e miratuar të hënën.
Qeveria pretendon se ligji i ri, përfshirë ndryshimet në menaxhimin e burimeve natyrore, të cilat janë debatuar që nga shtatori i vitit 2019 do të inkurajojë investimet e huaja, do të rrisë punësimin dhe do të stimulojë ekonominë.
Top Channel
