Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Shtëpia e Bardhë bllokoi propozimin sipas të cilit vaksina kundër Covid-19 duhet të vonohej pas zgjedhjeve presidenciale të 3 nëntorit. Propozimin e kishte paraqitur Administrata e Ushqimit dhe Barnave (FDA), me arsyetimin se vaksinat duhet të testohen tek pacientët për të paktën dy muaj para se të aprovohen për përdorim të gjerë publik.
Një rregull i tillë do ta kishte bërë të pamundur që vaksina të dilte në treg përpara zgjedhjeve. Ndërkohë, presidenti Donald Trump e ka deklaruar se ajo mund të dalë në çdo moment tani dhe me shume gjasë, do të jetë në dispozicion përpara 3 nëntorit.
Sondazhet tregojnë se një numër në rritje amerikanësh druhen që një vaksinë mund të lëshohet shumë herët në bazën e një “autorizimi më pak të rreptë përdorimi emergjent” dhe nuk do të konsiderohet e sigurtë nga ekspertët mjekësorë. Sipas një sondazhi të CNN, 51% e amerikanëve thonë se do ta merrnin vaksinën sapo ajo të bëhet e disponueshme.
Shtatë ish komisionerë të FDA javën e kaluar shkruajtën një artikull tek Washington Post, në të cilin ata sulmuan administratën Trump për “minimin e besueshmërisë” të agjencisë rregullatore.
Top Channel
