Hesbollah i ashpër me Izraelin, nis sulmet me dronë! Nuk kursehet ushtria izraelite 08/05 20:56
Kryeministrja e Zelandës së Re, Jacinda Ardern deklaroi të hënën se vendi e kishte mundur virusin sërish dhe njoftoi se kufizimet në qytetin më të madh të vendit do të zbuteshin pasi një valë e dytë e covid 19 u vu nën kontroll.
Virusi, u besua se u çrrënjos në fund të majit pas një izolimi strikt në shkallë kombëtare që bëri që Zelanda ev Re të gëzonte 102 ditë pa asnjë transmetim në komunitet. Por një vatër e re u shfaq në Okland në gusht duke detyruar qytetin me 1.5 milionë banorë të kthehej në izolim për thuajse tre javë. Me asnjë rast të konfirmuar në Okland prej 12 ditësh, Ardern tha të hënën se virusi ishte tashmë nën kontroll dhe përgëzoi banorët që i rezistuan izolimit të dytë.
Tani, në Okland nuk ka më kufizime të tubimeve sociale. Zelanda e re ka regjistruar vetëm 25 viktima të kovid 19 në një popullatë prej rreth 5 milionë banorësh dhe me 40 raste aktive në vend të hënën. Por Ardern, që përballet me zgjedhjet e përgjithshme në tetor, ka paralajmëruar se suksesi nuk mund të konsiderohet i plotë dhe vigjilenca nuk duhet ulur.
Top Channel
