Masakra me 15 të vrarë në Bondi Beach, Australia njofton skemën e blerjes së armëve 19/12 12:14
Pesë papagaj janë hequr nga shfaqja për publikun në një park të botës së egër në Britani pasi vazhdimisht ‘shanin’ vizitorët që vijnë për t’i admiruar.
Zogjtë gojëpisët u ndanë nga njëri-tjetri pasi përsërisnin disa të shara të ndryshme ndaj vizitorëve, që prej ditëve të para kur u dhanë si donacion në parkun zoologjik të Lincolnshire në lindje të Anglisë.
“Ata nuk ishin në rregull, shanin të gjithë së bashku,” thotë drejtori i parkut Steve Nichols. “Ne ishim më të shqetësuar për fëmijët.”
“Askush nuk duron t’i thuash ‘trap i shëndoshë’ sa herë që kalon aty”, shton Nichols.
Papagajtë afrikanë gri, të quajtur Eric, Jade, Elsie, Tyson e Billy – u dhanë si donacion për parkun nga pesë pronarë të ndryshëm brenda një jave, por me siguri origjina e fjalorit të tyre është vetëm njëri nga ekzemplarët.
Gjatë kohës së karantinës së koronavirusit ata qëndruan së bashku, dhe stafi menjëherë vërejti tendencën e tyre për të dalë jashtë kontrolli.
“Brenda një periudhe të shkurtër ata po shanin njëri-tjetrin. Fraza më e zakonshme ishte ‘F**k off’,” shpjegon ai, duke shtuar se kjo është shumë e thjeshtë për t’i shqiptuar prej tyre por prej njëri-tjetrit ata mësuan e shumë vulgritete të tjera.
Disa prej vizitorëve e shijonin ‘talentin’ e papagajve, por shpejt ata nisën t’ua kthenin të sharat, shton Nichols.
Shqetësimi për më të vegjëlit bëri që stafi t’i ndajë zogjtë përkohësisht duke shpresuar që gjuha e tyre të bëhet më miqësore ndaj familjarëve.
Afrikanët gri janë nga speciet më të preferuara të ppagajve dhe rreth 1 milionë prej tyre mbahen si kafshë shtëpiake në Britani, sipas një sondazhi të 2019.
Top Channel
