Mbretëresha Margrethe e Danimarkës shtrohet në spital, do të qëndrojë nën kujdes mjekësor gjatë gjithë javës 06/09 22:43
Skema e ngjyrave
Madhësia e shkrimit
Vetëm disa ditë pas rihapjes, më shumë se 400 shkolla në Itali janë prekur nga të paktën një rast i koronavirusit dhe 75 prej tyre janë mbyllur krejtësisht. Rajonet ku ky problem ka qenë më akut ishin Lombardia, Emilia Romagna, Toskana dhe Lazio.
Në Romë, shkollat e përfshira janë 19, në Bolonjë 14 e në Milano 13. Në 76% të rasteve, të infektuarit janë nxënës dhe 13% janë mësues. Shifrat vijnë nga një bazë të dhënash e zhvilluar prej një studiuesi të ri dhe një student – Vittorio Nicoletta e Lorenzo Ruffino – të cilët që prej hapjes së shkollave kanë mbledhur rregullisht lajme e urdhëresa nga kryetarët e bashkive.
Ndërkohë në disa shkolla, tek nxënësit dhe mësuesit po provohen testet e shpejta, siç ndodhi së fundi në Anguillara, një komunë në periferi të Romës. Një eksperiment që do të imimitohet shpejt nga institute të tjera në Lazio.
“Përvoja e testeve në shkollën e mesme Vian në Anguillara ishte e mirë – tha këshilltari për shëndetësinë, Alessio D’Amato . Gjithçka ndodhi rregullisht. Së shpejti do t`i bëjmë teste të tilla në çdo shkollë, sepse garantimi i sigurisë atje është prioriteti ynë”- u shpreh ai.
Top Channel
