Gruaja e futbollistit të njohur pajton vrasës me pagesë kur burri i kërkon divorcin

26/09/2020 17:29

27 vjeçarja Yagmur Asik është arrestuar së fundmi në Turqi me akuzat se ka pajtuar vrasës me pagesë për të eliminuar burrin futbollist, pasi e kapi me të dashurin dhe kërkoi divorcin.

Asik i kishte kërkuar fillimisht dashnorit të saj Erdi Sungur të vriste babain e tre fëmijëve, ish-futbollistin e kombëtares turke Emre Asik, 46 vjeç, por kur i pari kishte refuzuar ajo kishte kërkuar eliminues me pagesë.

Gruaja tradhtuese e futbollistit kishte paguar 1 milionë euro për të vrarë Sungur pasi ai e kishte kapur duke e tradhtuar.

I dashuri i saj i ri Sungur ka thënë në dokumentet e gjyqit se Asik i kishte treguar gjithçka e madje kishte furnizuar me armën e krimit vrasësin, raportonte e përditshmja Hurriyet.

Yagmur ishte martuar me Emre në vitin 2012 dhe ka tre fëmijë me të. Sungur mbetet në paraburgim dhe pret gjyqin për tentativë vrasjeje.

Në dokumentet e gjyqit Sungur pranon: “Kam pasur një marrdhënie të fshehtë me Yagmur. Ajo mendonte vetëm të trashëgonte pasurinë e Emre Asık pas vdekjes së tij. Ajo më kërkoi që unë ta vrisja por unë refuzova. Një herë ajo më solli një copë mish, më kërkoi të qëlloja te copa e mishit. Unë tentova të qëlloj por dështova. Ajo bërtiti e zemëruar ‘Ti nuk mund ta bësh’”.

Pas kritikave se nuk ishte i aftë të kryente krimin Sungur kishte pajtuar vetë vrasësin me pagesë.

Në dokumente thuhet se Yagmur i dha vrasësit armën e madje e ndihmonte për të gjetur mënyrën e eliminimit të trupit.

Sipas raportimeve para se të kryente aktin, vrasësi me pagesë ndryshoi mendje dhe raportoi gjithçka te Asik, qe eshte personazh i njohur.

Asik ka luajtur me tre klubet kryesore të Stambollit, Galatasaray, Fenerbahce e Besiktas – si dhe ka përfaqësuar 34 herë kombëtaren turke.

FOTO GALERI
1/6
Erdi Sungur kapi gruan Yagmur Asik duke e tradhtuar dhe kerkoi divorcin

Top Channel