Aksioni për kazinotë në Karaçevë, Veliu njofton ministrat: Mund të ketë vazhdim të aksionit
21/09/2020 10:32
Freedom House: Korrupsioni dhe ndikimi politik në gjyqësor, shqetësime të vazhdueshme në Kosovë 24/04 22:13
Në mbrëmjen e së premtes në Karaçevë të Kamenicës janë rrënuar kazinotë ilegale të cilat po ushtronin veprimtaritë e tyre.
Për aksionin në Karaçevë ku u arrestuan 35 persona, ministri i Punëve të Brendshme, Agim Veliu, ka njoftuar kabinetin qeveritar.
Veliu para ministrave të Qeverisë Hoti tha se janë duke u bërë hetime në lidhje me rastin dhe se aksion si ky mund të ketë edhe në ditët në vijim.
“Në lidhje me këtë rast hetimet vazhdojnë ende dhe mund të ketë vazhdim të aksionit edhe në ditët në vijim”, tha Veliu.
Veliu tregoi edhe se në operacion kanë marrë pjesë 317 zyrtarë të ndryshëm policorë.
“Në operacion kanë marrë pjesë 317 zyrtarë të ndryshëm policorë nga njësitet e ndryshme nga drejtoria e kimive ekonomike, e trafikimit me qenie njerëzorë, feronzika, krime kibernetike, njësitë speciale, policët e rendit dhe zyrtarë të tjerë policorë”, tregoi Veliu në mbledhjen e sotme të Qeverisë.
Ndërsa, në aksion janë arrestuar 35 persona, ku prej tyre edhe 12 zyrtarë policorë të cilët dyshohen për kontrabandim me mallra dhe mundësim të qytetarëve për të ushtruar këtë veprimtari. Në këtë aksion u konfiskuan edhe 12 aparate dhe gjësende tjera të cilat shërbejnë si prova materiale.
Top Channel
