Në vendngjarjen ku pak ditë më parë shpërtheu në ecje automjeti me të cilin udhëtonte Preng Gjini nuk ka më gjurmë. Por gjurmët që prokuroria po ndjek për të zbuluar autorët e atentatit me të dëmtuar Gjinin, janë mbi 27 kamera të siguruara deri më tani në të gjithë Tiranën si dhe efektet e përplasjes me fisin Reçi.
Burimet e sigurta reagojnë se për këtë dyshim janë pyetur familjarë të kundërshtarit të Gjinëve, Kastëriot Reçi, vrarë me snajper në Rrëshen. Nga informacionet e marra tha një burim i Top Channel ka dyshime të forta se shpërthimi i komanduar me pult u krye për konfliktet mes Reçëve dhe Gjinit dhe ekuilibrave të prishur nga pazaret e drogës. Burimet tregojnë se të fokusuar tek pista e hakmarrjes dhe gjakmarrjes, kanë pyetur Alfred Reçin, vëllai i Kastëriot dhe Tonin Gjinit që të dy të vrarë si dhe janë kontrolluar shtatë banesa të fisit Reçi.
“Punoj si fotograf” mësohet të ketë dëshmuar Alfred Reçi dhe ditën e ngjarjes isha në një ceremoni mortore, me tej në zyrë dhe në mbrëmje në kafene . Nuk kam asnjë hasmëri shton më tej ai, dhe ngjarjen e mësova nga mediat. Të njëjtën alibi japin edhe nipat.
Burimet shtojnë se është pyetur në spital edhe i plagosuri Preng Gjini. Edhe ai këmbëngul se nuk ka asnjë hasmëri dhe po ashtu nuk ka asnjë dyshim se përse ishte organizuar ky atentat.
Top Channel
