![](https://top-channel.tv/wp-content/uploads/2024/09/r_sd-800x450.jpg)
Një producent filmash është arrestuar për regjistrimin e një filmi pornografik në kopshtin e shenjtë Osun Osogbo në Nigerinë perëndimore, tha policia.
Pylli i shenjtë, shtëpia e Osun, perëndeshë e pjellorisë, është një trashëgimi botërore e caktuar nga Organizata e Kombeve të Bashkuara.
Por, kjo nuk ka penguar Tobiloba Jolaosho, i njohur si mbreti Tblak HOC, që të regjistrojë një film seksi në pyll.
As ai dhe as avokati i tij nuk kanë komentuar akuzat. Osun Osogbo është në periferi të qytetit të Osogbo, kryeqyteti i shtetit Osun.
Jolaosho është një prodhues i famshëm i filmave pornografikë që pretendohet se e tregonin atë të veshur me rrobat e bardha të adhuruesve të hyjnisë Osun, e të cilët u postuan në faqen e tij të internetit dhe media sociale.
Nuk është e qartë kur është bërë regjistrimi ose si ai ka hyrë në pyll, i cili mund të arrihet lehtësisht nga shumë rrugë.
Zëdhënësi i policisë Opalola Yemisi tha për BBC se producenti i filmit do të paraqitet në gjykatë pas një hetimi pasi sjellja e tij “mund të kishte prishur paqen publike”.
Hyjnesha Osun, sipas mitologjisë Yoruba, ishte një nga gratë e shumta të Sango, një hyjni e fuqishme në folklorin Yoruba.
Çdo vit, mijëra njerëz marrin pjesë në festivalin Osun Osogbo, një festë tradicionale që mendohet të jetë 600-vjeç.
Festivali dy-javor konsiderohet të jetë ngjarja më e madhe vjetore fetare tradicionale e popullit Yoruba dhe tërheq mijëra adhurues dhe spektatorë nga Nigeria dhe pjesa tjetër e botës.
Festivali shënohet me shfaqje të përditshme të njerëzve që vallëzojnë, këndojnë, luajnë daulle dhe tregojnë kostume të hollësishme për të qetësuar perëndeshën Osun.
Top Channel