Aktualitet Kryesore Të Fundit

Artan Lame bën tender për monitorimin e portaleve dhe lajmeve në televizon

12/09/2020 13:37

Gazeta “Shqip” ka siguruar dokumente të një tenderi që po zhvillon Agjencia Shtetërore e Kadastrës, e drejtuar nga Artan Lame.

Tenderi është i vogël, nën 8 milionë lekë të vjetra, ku Lame kërkon firmë private që të “Monitorojë dhe ndërtojë arkivën elektronike të medias”.

Në dokumente thuhet se kjo firmë duhet të monitorojë dhe përditësojë arkivimin elektronik e të gjitha informacioneve mediatike që kanë lidhje me ASHK-në, procesin e legalizimit dhe pajisjen me certifikatë pronësie.

“Vënien në dispozicion të të gjithë informacionit online, të aksesueshëm në cdo kohë nëpërmjet internetit si edhe kërkimin në arkiv me anë të fjalkyceve, duke mundësuar kërkimin në bazën e të dhënave të arkivit dixhital sipas medias, datës, rubrikës dhe autorit” është një kërkesë e Kadastrës.

Më tej, Artan Lame kërkon raportim mujor mbi performancën mujore të institucionit në media. Madje, edhe analizë sasiore mujore mbi performancën e institucionit dhe të titullarit në median e shkruar, elektronike, WEB dhe Media Sociale. Analiza duhet të përmbajë shpërndarjen kronologjike e përmendjes, citimeve dhe artikujve. Gjithashtu edhe frekuencën e përmendjeve sipas autorëve, mediave, datave, të përmendjes citimeve dhe artikujve që përmbajnë fjalëkycet.

“Kërkojmë raportimin ditor, nga e hëna në të premte, me anën e postës elektronike të të gjithë lajmeve dhe artikujve të botuar brenda orës 10:00 dhe gjenerimin e raportimit të pasqyrës së medias direkt nga faqja ëeb. Analizën e performancës mediatike të ASHK-së, raportimin mujor (cdo muaj). Ndërtimin e Arkivës mediatike dhe dorëzimi i saj në mënyrë elektronike dhe me CD. Kërkim ose (back search) në një arkiv komplet të lajmeve të publikuara. Kjo arkivë duhet të përmbajë të gjitha artikujt te botuar dhe të lejojë kërkimin e materialeve në një Data Bazë online bazuar në fjalë kyçe. Lajme të jenë të kategorizuara në rubrika” thuhet në këto dokumente.

Këtu ngrihen shumë pikëpyetje; përse i duhen Lames të gjitha këto të dhëna…madje, edhe autorët e shkrimeve për ASHK-në!

Një pikë tjetër është se “kërkimi mund të bëhet edhe sipas medias së shkruar, datës dhe autorit”. Më tej thuhet se kjo arkivë lejon raportet me lajmet përkatëse për çfarëdo artikulli apo argumenti Raportet mund të dërgohen me email apo mund të gjenerohen online nga portal lajmeve në web.

Kryeregjistruesi Artan Lame kërkon analizë të përditshme për mediat dhe autorët që shkruajnë kundër Kadastrës, duke “imituar” në këtë rast shumë drejtues qendrorë dhe lokalë.

Mediat e monitoruara

1. Shtypi i përditshëm periodik sipas listës së mëposhtme:

Gazeta;

1. SHEKULLI

2. SHQIP

3. PANORAMA

4. GAZETA SHQIPTARE

5. GMAPO

6. KOHA JONË

7. TIRANA OBSERVER

8. SHQIPTARJA

9. STANDART