7 autobusë me udhëtarë 3 prej të cilëve në tokën neutrale mbetën të bllokuar në Pikën e Kalimit Kufitar të Kapshticës prej mesditës.
Kuota e përcaktuar nga autoritetet greke që lejon kalimin e vetëm 300 personave gjatë 24 orëve u plotësua brenda pak orësh çka bëri që qindra të tjerë të mbeten në kufi pa mundur të kalojnë në anën tjetër.
Për ata që udhëtojnë në këtë periudhë kryesisht për të punuar në vendin fqinjë dhe që do të flenë në autobusë kjo problematikë shoqërohet me kosto të shtuara por edhe mungesë kushtesh minimale
Prej momentit kur u vendos kjo kuotë ditore rastet kur shqiptarët mbeten të bllokuar në pikëkalimin e Kapshticës janë të përsëritura pasi vetë udhëtarët e kanë të pamundur të përllogaritin nëse janë brenda kësaj kuote çka bën që ata të nisen dhe të gdhijnë netët këtu.
Top Channel
