​Deputeti i AAK-së tregon për prapaskenat e takimit në Shtëpinë e Bardhë

06/09/2020 12:04

Deputeti nga radhët e AAK-së, Gazmend Syla, ka folur rreth zhvillimeve të fundit sa i përket takimit në Uashington, mes delegacionit të Kosovës dhe atij të Serbisë.

Ai në veçanti ka folur për rëndësinë e marrëveshjes dhe rolin që ka pasur në këtë takim ministri i Drejtësisë, Selim Selimi.

Syla tha se roli i ministrit Selimi, ka qenë i shumë i rëndësishëm dhe i bënë thirrje kryeministrit Hoti që të mos flet të pavërteta.

‘E vërteta e prapaskenave në Shtëpinë e Bardhë, mban emrin Selim Selimi. Sa i përket kryeministrit Hoti, unë mbaj anën e tij, në raport me palët e treta, sepse tekefundit ai është kryeministri i vendit tim. Roli i Haradinajt në Marrëveshje, veçse u bë i njohur, por, tendenca e Hotit ta minimizojë këtë rol, është e pandershme. Më mirë të mos flasë fare, sesa të thotë të pavërteta’, është shprehur ai.

Më tej ai ka thënë se para Trump, është gjunjëzuar adresa e vetme e Putinit në Ballkan.

‘E rëndësishme është se para presidentit Trump u gjunjëzua adresa pothuajse e vetme e Putinit në Ballkan, Vuqiqi, pasi që llogaritet që Hoti ka qenë në shtëpinë e vet’, ka shkruar Syla në Facebook.

Top Channel