Organizata Botërore e Shëndetësisë (OBSH) bëri të ditur sot se vështirë se do të ketë vaksinim masiv kundër koronavirusit të ri (COVID-19) para mesit të vitit të ardhshëm.
Margaret Harris, një zëdhënëse e OBSH-së, iu përgjigj pyetjeve në lidhje me pritjet për vaksinën kundër COVID-19.
“Sa i përket afateve reale kohore me të vërtetë nuk presim të shohim vaksinim masiv deri në mes të vitit të ardhshëm”, tha Harris.
Ajo tha se ka një numër të konsiderueshëm të kandidatëve tani që kanë hyrë në fazën e tretë të vaksinave ku OBSH-ja di të paktën gjashtë deri në nëntë që kanë shkuar mjaft larg me hulumtimet tashmë.
“Testet e fazës së tretë janë kur krahasoni, ju keni një grup të madh njerëzish dhe gjysma do të marrin vaksinën, gjysma do të merrni një placebo ose një vaksinë tjetër të njohur siç është vaksina e meningjitit. Atëherë ju në thelb duhet të ndiqni këta njerëz dhe të shihni nëse ka ndryshim në ato grupe”, tha ajo.
Diferenca midis matjeve do të kontrollohet për të dyja grupet nga ata që marrin vaksinën dhe që nuk e marrin.
“Po vështrojmë në mënyrë ideale 50 për qind ose më shumë. Kjo do të thotë se ju e dini që kur t’ia jepni një grupi të madh, hulumtimi juaj ka treguar që 50 për qind e tyre do të mbrohen”, tha Harris.
Ajo theksoi se bota është duke parë shumë vaksina të ndryshme dhe ka nevojë për t’i krahasuar ato “kokë më kokë” për të parë se cila ofron “mbrojtjen më të mirë dhe nivelet më të mëdha të sigurisë”.
Top Channel
