Eksperti evropian: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave 04/05 20:52
Drejtori i Zyrës për Kosovën në Qeverinë e Serbisë, Marko Gjuric është shprehur se delegacioni i Serbisë në bisedimet me Kosovën në Washington, është i hapur për një bisedë konstruktive dhe se do të mbrojë “interesat serbe”.
Gjuric, i cili është pjesë e delegacionit, u tha gazetarëve se do të paraqesin atje një axhendë të bashkëpunimit ekonomik mes Beogradit dhe Prishtinës, e cila sipas tij mund të ndryshojë plotësisht llojin e marrëdhënieve serbo-shqiptare.
Por përpos kësaj, zyrtari i lartë serb e pohoi se pret që në takimin në Shtëpinë e Bardhë, në tryezën e bisedimeve të vihen edhe tema të vështira politike.
“Nëse kjo ndodh, atëherë të gjithë ata që kanë ndjekur politikën serbe gjatë tetë viteve të fundit, mund ta dinë se përgjigja e shtetit serb ndaj propozimeve konstruktive do të jetë me përgjegjësi. Por ne do të jemi gjithmonë të gatshëm, kur është e nevojshme, të refuzojmë atë që nuk është në interes të Serbisë”, u shpreh ai.
Në Shtëpinë e Bardhë pritet të takohen sot kryeministri i Kosovës, Avdullah Hoti, dhe presidenti i Serbisë, Aleksandar Vuçiç. Paraprakisht ishte bërë e ditur se diskutimet mes këtyre dy shteteve do të zhvilloheshin në 4 shtator.
Top Channel
