Protestat, 2 mijë të arrestuar. Policia nis pastrimin e tendave në universitetet e SHBA
05/05 22:56
Qeveria gjermane njoftoi se testet e kryera nga kampionet e marra prej gjakut të liderit opozitar rus, Aleksei Navalny, treguan prani të agjentit nervor, Noviçok me të cilin u tentua dhe helmimi I ish spiunit të dyfishtë rus, Sergei Skripal në Londër.
Sulmi ndaj Skripalit dhe të bijës, Yulia u pretendua të ishte kryer nga agjentë shtetërorë rusë. Navalny, politikan dhe hulumtues i korrupsionit, njëkohësisht dhe një prej kritikëve më të mëdhenj të presidentit rus, Vladimir Putin, u ndje keq në 20 gusht gjatë një udhëtimi me avion teksa udhëtonte nga Siberia në Moskë. Ai kishte pirë vetëm një filxhan çaji në aeroport. Pas rezistencës së fortë të autoriteteve ruse, më në fund kreu i opozitës u transferua në një spital në Berlin, ku mjekët pohuan javën e kaluar mundësinë e helmimit. Por tani, ai është vërtetuar plotësisht.
Steffen Seibert, zëdhënësi i kancelares gjermane, Angela Merkel njoftoi se testimet e kryera në spitalin ushtarak gjerman treguan shenja “të një agjenti nervor nga grupi Noviçok”. “Është ngjarje shokuese që Aleksei Navalny ka qenë viktimë e një sulmi me agjent nervor kimik në Rusi. Qeveria federale gjermane dënon këtë akt në shkallën më të lartë. Qeverisë ruse i bëhet thirrje që të sqarojë këtë incident”, tha Seibert. Si presidentja e Komisionit Europian, Ursula von der Leyen, ashtu dhe kryediplomati i bllokut, Joseph Borell e dënuan ashpër helmimin e Navalnyt si akt “të turpshëm dhe burracak”.
Top Channel
