Në Vlorë nuk ka vetëm det, por edhe lumë.
Lumi i Shushicës apo Lumi i Vlorës ka një perspektivë turistike me ndërtimin e rrugës së Lumit të Vlorës.
Banorët duan që ura 6 shekullore me tri harqe e Bratit, e cila lidh dy anët e lumit të jetë një tërheqje turistike. Mes mallit për vendlindjen, me këngë labe në sfond, banorët e larguar që kthehen janë turistët më besnikë.
Kryetari i fshatit, Qemal Malaj shprehet se kurrë nuk do të largohet nga fshati i lindjes. Malaj dhe banorët shqetësohen për projektin e ndërtimit të hidrocentralit në këtë zonë.
Për banorët e zonës, ky lumë quhet “Valbona e Labërisë” dhe fjalët për ta përshkruar bukurinë e saj nuk mjaftojnë, por vetëm shpresojnë që nga një zone e lënë në harresë, tashmë të jetë një destinacion turistik!
Top Channel
