Ukraina do “falë” territor/ Për herë të parë, Zelensky thotë se mund të bëjë lëshime për t’i dhënë fund luftës 30/11 07:35
TOKYO – Kryeministri Shinzo Abe i Japonisë do të japë dorëheqjen për shkak të përkeqësimit të shëndetit , raportoi të Premten transmetuesi kombëtar i vendit, NHK.
Lajmi vjen vetëm katër ditë pasi ai tejkaloi rekordin për garën më të gjatë radhazi si drejtues i vendit në historinë japoneze. Ai ka vuajtur nga një sëmundje inflamatore e zorrëve, por gjendja e tij mendohet se është përkeqësuar kohët e fundit. Transmetuesi publik NHK tha se 65-vjeçari dëshironte të shmangte shkaktimin e problemeve për qeverinë e tij.
Abe, 65 vjeç, ka qenë kryeministër për gati tetë vjet, një rezultat i rëndësishëm në një vend të mësuar me rotacion të vazhdueshëm. Gjatë qëndrimit të tij në pushtet, mbikëqyri rimëkëmbjen e Japonisë nga një tërmet shkatërrues, tsunami dhe katastrofa bërthamore, rivendosi sistem të fortë ekonomik dhe favorizoi duke mbajtur marrëdhënie të mira me një president të paparashikueshëm amerikan si Donald J. Trump.
Zyrtarët nga Partia e tij qeverisëse Liberale Demokratike (LDP) më parë kanë hedhur poshtë spekulimet se ai do të tërhiqet, duke thënë se shëndeti i kryeministrit është i mirë.
Të martën një nga ndihmësit e tij i tha Reuters se Abe do të përmbushë mandatin e tij. Sipas ligjit japonez, nëse dorëhiqet kryeministri, atëherë një kryeministër i përkohshëm e merr detyrën.
Top Channel
