Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Merr fund “telenovela” Zlatan Ibrahimoviç, pasi sulmuesi 39-vjeçar është bindur të firmosë një kontratë të re me Milanin dhe tani do të jetë pjesë e kuqezinjve deri në fund të sezonit të ardhshëm.
Mediat italiane konfirmojnë se sulmuesi dhe kuqezinjtë kanë gjetur gjuhën e përbashkët për të zgjatur bashkëpunimin mes tyre edhe për një sezon dhe se Ibra pritet të mbërrijë në Milano nesër paradite, për t’u vënë nën urdhrat e Stefano Piolit.
Zlatan Ibrahimovic u rikthye te Milani dhjetorin e kaluar dhe dha një kontribut jo të vogël në rikthimin e kuqezinjve te rezultatet pozitive dhe loja e bukur, por javët e fundit rinovimi i tij ishte kthyer në një çështje.
Kjo pasi sulmuesi kërkonte 7.5 milionë euro në sezon, ndërsa Milani ishte gati t’i ofrojë 5 milionë, që mund të shkonte deri në 6 milionë bashkë me bonuset. Në fund marrëveshja është arritur për një shifër fikse prej 7 milionë eurosh, pa bonuse të përfshira.
Milani nisi grumbullimin për sezonin e ardhshëm ditën e hënë dhe Ibra nuk u paraqit, pasi nuk kishte firmosur kontratën e re, gjë që e ka bërë tashmë dhe pritet të nisë stërvitjen nga dita e nesërme.
Top Channel
