Sulmet e Izraelit, ministri i Jashtëm Iranian: Një dështim i plotë, nuk shkaktuan asnjë dëm për ne 19/04 22:55
Analizat klinike të politikanit opozitar rus Aleksej Navalny flasin për helmim njoftoi një zëdhënëse e spitalit Charité në Berlin. Sipas saj “gjendja e tij shëndetësore është serioze, por aktualisht nuk ka rrezik akut për jetën”.
Mjekët e spitalit Charité në Berlin mendojnë se Navalnyn ndoshta e kanë helmuar me një substancë nga grupi i frenuesve të kolinesterazës. Me një substancë të këtij grupi u helmua para dy vjetësh në Londër agjenti i dyfishtë Sergej Skripal.
Gjithsesi sipas njoftimeve të klinikës substanca e saktë me të cilën është helmuar Navalny ende nuk dihet.
Qeveria gjermane u shpreh gjithashtu se sipas të gjitha gjasave Navalnyn e kanë helmuar. Qeveria gjermane ka kërkuar “transparencë të plotë” për sqarimin e rastit. “Ka dyshime se Navalnyn e kanë helmuar dhe për këtë ka disa raste në historinë më të re ruse”, tha zëdhënësi i qeverisë gjermane.
Edhe pse qeveria sqaroi se Aleksej Navalny nuk është i ftuar i saj, reparti ku po kurohet Navalny në Berlin po ruhet nga Policia Federale Gjermane. “Në fund të fundit bëhet fjalë për një pacient, ndaj të cilit me gjasë mund të jetë kryer një tentativë vrasjeje përmes helmimit “, tha zëdhënësi i qeverisë gjermane Seibert.
Top Channel
