Në Barcelonë protestohet kundër rritjes së çmimeve të qirasë 24/11 11:49
Një burrë nga Eritrea ka dalë sot në gjyq në Gjermani për vrasjen e një djali tetë-vjeçar të cilin e shtyu në binarët e trenit që vinte, vitin e kaluar në stacionin kryesor të Franfurt.
41 vjeçari Habte Araya akuzohet se shtyu qëllimisht drejt binarëve djalin fatkeq dhe nënën e tij gjatë një episodi skizofrenie e paranoje.
Prokurorët thonë se Araya kishte “aftësi të kufizuara” për të kontrolluar veprimet e tij edhe pse besohet se ka “shfrytëzuar qëllimisht mungesën e mbrojtjes së viktimave”.
Aktualisht babai i tre fëmijëve akuzohet vetëm për vrasje nga pakujdesia dhe tentativë vrasjeje nga pakujdesia.
Araya shtyu nën e bir poshtë platformës, drejt binarëve të trenit në ardhje më 29 korrik të vitit të shkuar.
Nëna u rrotullua duke iu shmangur trenit ndërsa i biri u vra në vend. Dëshmitarët thanë se autori u pikas, u ndoq dhe u kap nga kalimtarët.
Araya nuk kishte asnjë lidhje apo njohje me viktimat dhe në trupin e tij nuk u gjetën gjurmë alkooli apo drogash. Ai kishte fituar azil ne Zvicer ne 2009.
Çështja u mbulua gjerësisht në mediat gjermane dhe më shumë se 100,000 euro u mblodhën për familjen e djalit të vrarë në ditët pas sulmit.
Top Channel
