Ky është gabimi më i zakonshëm që bëjnë çiftet që hasin probleme në raportin seksual! 26/04 08:00
Një këngëtar në Kano, Nigeri, është dënuar me vdekje për blasfemi ndaj Profetit Muhamed.
Yahaya Sharif-Aminu, 22 vjeç, u shpall i fajshëm nga një gjykatë e lartë e Sharia (ligj fetar) për këngën e tij që nisi të qarkullonte përmes Whatsapp në mars të këtij viti.
Muzikanti nigerian nuk i mohoi akuzat, megjithëse gjykatësi Khadi Aliyu Muhammad Kani tha që mund të apelonte kundër verdiktit.
Kritikët thanë se kënga ishte blasfemike pasi mbivlerësonte një imam nga vllazëria myslimane Tijaniya, duke e ngritur atë më lart se Profeti Muhamed.
Këngëtari, i cili është momentalisht në dënim, është fshehur që kur kompozoi këngën.Protestuesit dogjën shtëpinë e familjes së tij dhe u mblodhën jashtë ndërtesës së policisë islamike, njohur si Hisbah, duke kërkuar veprim të menjëhershëm ndaj artistit.
Hera e fundit që një gjykatë Sharia në Nigeri ka dënuar dikë me vdekje për blasfemi ka qenë në vitin 2016.
Top Channel
