“Më mirë na shani nga nëna se të thërrisni Serbi”, ish-sulmuesi i Kombëtares mbron Kosovën në mediat rumune: Do dilnin nga fusha dhe po të… 18/11 16:36
BOURNEMOUTH, ENGLAND - FEBRUARY 29: Fans wear masks to the match during the Premier League match between AFC Bournemouth and Chelsea FC at Vitality Stadium on February 29, 2020 in Bournemouth, United Kingdom. (Photo by Marc Atkins/Getty Images)
Edhe pse FIFA lejoi Federatat në mbarë botën të aplikojnë 5 zëvendësime në çdo ndeshje pas shpërthimit të pandemisë së koronavirusit, në ligën më të fortë të planetit kjo nuk do të shihet sezonin e ri. Shtesat në numrin e lojtarëve që mund të futen në fushë u bënë për të rifreskuar ekipet dhe për të shmangur dëmtimet e rënda si pasojë e inaktivitetit prej muajsh, por Premier Liga do t’i qëndrojë tradicionales.
Në mbledhjen e organizuar mes zyrtarëve të 20 klubeve të Premier League, u vendos për opsionin me 3 zëvendësime, dhe jo atë me 5. Klubet që synonin të mbanin rregullin e tri ishin 9 mes atyre të elitës ndërsa votat kundër ishin 11. U vu re një diferencë mes ekipeve të fuqishme financiarisht dhe atyre që historikisht luajnë në kampionatet evropiane. Të mëdhenjtë synonin 5 zëvendësime për të qenë në formë e për të patur mundësi shtesë për kupat kontinentale, por të vegjlit e hodhën poshtë si disavantazhues.
U rrëzua gjithashtu një propozim për ndryshimin e formatity të ligës ndërsa pati edhe diskutime për kuota e futbollistëve jo britanikë, pas aplikimit të Brexit. Federata insiston të rrisë numrin e lojtarëve vendas për të stimuluar talente ishullore por për këtë, do të presë normat e reja të qeverisë Xhonson.
Top Channel
